Bolqarıstan Prezidenti birinci Avropa Oyunlarının bağlanış mərasimində iştirak edəcək

Bakı. 28 iyun. REPORT.AZ/ Bolqarıstan Prezidenti Rosen Plevneliyev iyunun 28-də Azərbaycana səfərə gəlib. 

"Report" xəbər verir ki, səfərdə məqsəd birinci Avropa Oyunlarının bağlanış mərasimində iştirak etməkdir. 

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Prezident Rosen Plevneliyevi Azərbaycan Respublikası xarici işlər nazirinin müavini Xələf Xələfov və digər rəsmi şəxslər qarşılayıblar.