Yuxarı
    Bağlamaq

    ​BMT-nin insan hüquqları üzrə ekspertləri Azərbaycanı vaxtından əvvəl tərk edib

    Sentyabrın 16-da nümayəndə heyətinin rəhbəri Aişa Şujun Muhammad Azərbaycan xarici işlər nazirinin müavini ilə görüşüb

    Bakı. 18 sentyabr. REPORT.AZ/ İşgəncələrin qarşısının alınması üzrə Birləşmiş Millətlər Təşkilatının Alt-Komitəsi (İQAT) Azərbaycandakı səfərini dayandırmaq və ölkəni vaxtından əvvəl tərk etmək barədə qərar qəbul edib. “Report”un xəbərinə görə, bu barədə BMT-nin mətbuat xidməti məlumat yayıb.

    İQAT ölkəni tərk etməsinə səbəb kimi isə nümayəndə heyətinin azadlıqdan məhrumetmə yerlərinin bir neçəsinə daxil ola bilməməsi ilə izah edib.

    Məlumatda o da bildirilib ki, İQAT nümayəndə heyəti sentyabrın 14-də fəaliyyətini dayandırıb, lakin bəzi üzvlər Bakıda qalaraq topladığı məlumatlar əsasında Azərbaycan rəsmiləri ilə müvafiq danışıqları davam etdiriblər. Sentyabrın 16-da nümayəndə heyətinin rəhbəri Aişa Şujun Muhammad Azərbaycan xarici işlər nazirinin müavini ilə görüşüb.

    Qeyd edək ki, İQAT müxtəlif azadlıqdan məhrumetmə yerlərinə səfər etmək və azadlıqdan məhrumetmə yerlərində işgəncə və pis rəftar riskinə qarşı ciddi təminatları yaratmaq üçün dövlət orqanlarına tövsiyələr vermək mandatına malikdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi