Yuxarı

BMT-nin baş katibi Azərbaycan Prezidentini təbrik edib

“Ümumi məqsədlərdə inkişafa yalnız birgə səylərlə nail olmaq mümkündür”

Bakı. 30 may. REPORT.AZ/ BMT-nin baş katibi Pan Gi Mun Azərbaycan Prezidentini 28 May – Respublika Günü münasibətilə təbrik edib. “Report”un xəbərinə görə, təbrik mətnində deyilir:

“Respublika Günü münasibətilə Sizə, Azərbaycan xalqına və hökumətinə ən səmimi təbriklərimi çatdırmaqdan məmnunam.

Bu il BMT 70 illiyini qeyd edir. Bu, bizdə quruculuq işlərinə dair öhdəliyimizi yeniləmək, sülh, inkişaf və insan hüquqları ilə bağlı səylərimizi ikiqat artırmaq məsuliyyəti yaradır. Əminəm ki, bizim sabit inkişafla bağlı birgə səylərimiz bütün dünyanın mənafeyinə əhəmiyyətli və davamlı töhfə verəcək.

Hər bir ölkə bizim birgə səylərimizə özünəməxsus töhfə verir. Mən Azərbaycanın fəal iştirakına və rəhbərliyinə arxalanmağa davam edəcəyəm. Ümumi məqsədlərdə inkişafa yalnız birgə səylərlə nail olmaq mümkündür.

Zati-aliləri, xahiş edirəm ən dərin ehtiramımı qəbul edin”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi