Yuxarı
    Bağlamaq

    Belarus Milli Məclisinin Nümayəndələr Palatasının sədri: "Azərbaycan etibarlı dostumuz və tərəfdaşımızdır"

    Tərəflər regional əməkdaşlığı genişləndirməli və bunun üçün hüquqi bazanı fəal şəkildə inkişaf etdirməlidir© Sputnik

    Bakı. 11 oktyabr. REPORT.AZ/ "Belarus və Azərbaycan ticari-iqtisadi sahədə əməkdaşlığı gücləndirməlidirlər".

    "Report" "Sputnik Belarus"a istinadən xəbər verir ki, bunu Belarus Milli Məclisinin Nümayəndələr Palatasının sədri Vladimir Andreyçenko Minskdə səfərdə olan Azərbaycan parlamentinin sədri Oqtay Əsədov ilə görüşündə deyib.

    "Azərbaycan etibarlı dostumuz və tərəfdaşımızdır. Hesab edirəm ki, geniş ikitərəfli əməkdaşlıq üçün hər cür şərait yaradılıb", - V.Andreyçenko bildirib.

    Onun sözlərinə görə, Belarus və Azərbaycan beynəlxalq arenada bir-birini dəstəkləyir. O eyni zamanda Belarus, Azərbaycan və Rusiyaya qarşı olan "İsveç qətnaməsi"ni dəstəkləmədiklərinə görə azərbaycanlı tərəfdaşlarına təşəkkür edib.

    Öz növbəsində, Milli Məclisin sədri Oqtay Əsədov bildirib ki, Belarus-Azərbaycan münasibətləri yüksək səviyyədədir.

    "Prezidentlərimizin sayəsində strateji tərəfdaş olmuşuq", - deyə o vurğulayıb.

    Onun sözlərinə görə, tərəflər regional əməkdaşlığı genişləndirməli və bunun üçün hüquqi bazanı fəal şəkildə inkişaf etdirməlidirlər.

    O.Əsədov koorporativ əməkdaşlığın iki variant - "Belarus-Azərbaycan-Türkiyə" və "Almaniya-Belarus-Azərbaycan" üzrə inkişaf etdirilməsini təklif edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi