Yuxarı
    Bağlamaq

    BƏƏ-nin Azərbaycandakı səfirliyində diplomatların ölüm ilə əlaqədar xatirə kitabı açılıb

    Bu ölkənin Bakıdakı səfirliyində dövlət bayrağı endirilib

    Bakı. 11 yanvar. REPORT.AZ/ Əfqanıstanın Qəndəhar şəhərində Birləşmiş Ərəb Əmirliklərinin (BƏƏ) 5 diplomatının terror hücumu nəticəsində ölümü ilə əlaqədar bu ölkənin Azərbaycandakı səfirliyində xatirə kitabı açılıb.

    BƏƏ-nin Azərbaycandakı səfirliyindən "Report"a verilən məlumata görə, xarici diplomatlar, Azərbaycanın vəzifəli şəxsləri və ictimai xadimləri başsağlığı vermək üçün səfirliyi ziyarət edirlər.

    Xatirə kitabı səfirlikdə sabah da açıq olacaq.

    Eyni zamanda, BƏƏ-də üçgünlük matəm elan olunması ilə əlaqədar, bu ölkənin Bakıdakı səfirliyində dövlət bayrağı endirilib.

    Xatırladaq ki, yanvarın 10-da Qəndəhardakı hotellərin birinin yaxınlığında baş verən partlayış nəticəsində 11 nəfər həlak olub. Ölənlər arasında əyalətin valisi ilə görüşdə iştirak edən BƏƏ-nin 5 diplomatı da olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi