Bakıda YUNESKO-nun "İpək Yolu" onlayn-platformasının Beynəlxalq şəbəkəsinin iştirakçılarının 3-cü iclası keçiriləcək

Bakı. 3 aprel. REPORT.AZ/ Mayın 4-5-də Bakıda YUNESKO-nun "İpək Yolu" onlayn-platformasının Beynəlxalq şəbəkəsinin iştirakçılarının 3-cü iclası keçiriləcək. "Report" YUNESKO-nun mətbuat xidmətinə istinadən xəbər verir ki, tədbir Azərbaycan hökumətinin dəstəyi ilə təşkil olunur.

İclasda 25 üzv dövlətdən koordinatorlar, eləcə də elm adamları və mütəxəssislər iştirak edəcək. İclas iştirakçıları öz ölkələrində İpək Yolu mövzusunda cari tədbirləri müzakirə edəcəklər. Görüşün əsas məqsədi Valensiyada (İspaniya) keçirilmiş ikinci iclasda işlənib hazırlanmış 2016-2018-ci illər üzrə Fəaliyyət Planının həyata keçirilməsi məsələlərinin müzakirə edilməsi olacaq.

Koordinatorların görüşü IV Beynəlxalq Mədəniyyətlərarası Dialoq Forumu münasibətilə mayın 5-6-da Bakıda keçiriləcək.