Bakıda Ümumdünya Məskunlaşma Gününə həsr olunmuş silsilə tədbirlər keçiriləcək

"Oktyabrın 2-də Bakıda Ümumdünya Məskunlaşma Gününə həsr olunmuş silsilə tədbirlər keçiriləcək".

"Report” xəbər verir ki, bunu “UN-Habitat”ın icraçı direktoru Maimunah Mohd Şarif Nyu-Yorkda keçirdiyi mətbuat konfransında deyib.

Ümumdünya Məskunlaşma Gününün əsas mövzusu davamlı şəhər iqtisadiyyatı və şəhərlərin tərəqqi mərkəzlərinin rolu ilə bağlı məsələlərin müzakirəsi olacaq.

“Dünya əhalisinin 70 faizi şəhərlərdə yaşayır, ona görə də bəşəriyyətin gələcəyi şəhərlərdədir”, - M.M.Şarif bunu Türkiyənin Ətraf Mühit, Şəhərsalma və İqlim Dəyişiklikləri naziri Mehmet Özhaseki ilə BMT-nin Dayanıqlı İnkişaf Sammiti çərçivəsində birgə mətbuat konfransında çıxışı zamanı qeyd edib.