Bakıda MDB ölkələrinin Sərhəd Qoşunları Komandanlarının görüşündə 25 sənəd imzalanıb

Bakıda MDB ölkələrinin Sərhəd Qoşunları Komandanlarının görüşündə 25 sənəd imzalanıb İclasda 8 dövlətin sərhəd xidmətinin, həmçinin MDB İcraiyyə Komitəsinin nümayəndələri iştirak ediblər
Xarici siyasət
162
19 Oktyabr , 2017 14:25
Bakıda MDB ölkələrinin Sərhəd Qoşunları Komandanlarının görüşündə 25 sənəd imzalanıb

Bakı. 19 oktyabr. REPORT.AZ/ Bakıda Müstəqil Dövlətlər Birliyi (MDB) ölkələrinin Sərhəd Qoşunları Komandanlarının 78-ci iclası keçirilib.

"Report" xəbər verir ki, bu barədə MDB ölkələrinin Sərhəd Qoşunları Komandanları Şurasının Koordinasiya Xidmətinin sədri Aleksandr Manilov məlumat verib.

İclasda 8 dövlətin sərhəd xidmətinin, həmçinin MDB İcraiyyə Komitəsinin nümayəndələri iştirak ediblər.

Bugünkü iclasın gündəliyində MDB-nin xarici sərhədlərində təhlükəsizliyin gücləndirilməsi ilə bağlı 9 vacib məsələ daxil edilib, iclasın yekununda 25 sənəd imzalanıb.

"Əsasən, MDB ölkələrinin xarici sərhədlərində, xüsusən də Əfqanıstan-Tacikistan sərhəd sahəsində, eləcə də MDB ölkələrinin təhlükəsizliyinə təhdid yaradan sahələrdə qoşun komandanları arasında yaranmış vəziyyətlə bağlı müzakirələrin yekunu olaraq sənədlər imzalanıb", - A.Manilov əlavə edib.

Onun sözlərinə görə, görüş zamanı tərəflər sərhəd təhlükəsizliyinin gücləndirilməsi çərçivəsində sərhəd xidmətləri arasında əməkdaşlıq və informasiya mübadiləsi barədə razılığa gəliblər.

Xidmət sədri qeyd edib ki, görüş zamanı mütəşəkkil cinayətkarlıq, narkotiklərin qanunsuz dövriyyəsi, qanunsuz miqrasiya ilə mübarizə məsələləri müzakirə olunub.

"MDB ölkələrində böhran vəziyyətlərində xarici sərhədlərdə təhlükəsizliyi təmin edəcək sərhəd qoşunları qruplarının yaradılması üzrə müsbət nəticələr əldə olunub", - A.Manilov bildirib.

Son xəbərlər

Orphus sistemi