Bakı. 25 yanvar. REPORT.AZ/ Energetika, nəqliyyat və ətraf mühit məsələləri üzrə Azərbaycan-Avropa İttifaqı (Aİ) alt komitəsinin növbəti iclası yanvarın 26-27-də Bakıda keçiriləcək.
Aİ-nin Azərbaycandakı nümayəndəliyinin mətbuat xidmətindən "Report"a verilən məlumata görə, iclasda Aİ nümayəndə heyətinə "Şərq tərəfdaşlığı" ölkələri ilə ikitərəfli əlaqələrin şöbəsinin müdiri Dirk Şubel başçılıq edəcək.
Görüş zamanı Azərbaycan və Aİ energetika, nəqliyyat sahəsində əməkdaşlığı, o cümlədən Cənub Qaz Dəhlizi, eləcə də bir sıra regional nəqliyyat layihələrini müzakirə olunacaq.
Qeyd edək ki, daha əvvəl analoji görüşün ötən il dekabr ayının ortalarında keçirilməsi planlaşdırılırdı.