Yuxarı
    Bağlamaq

    Bakıda Azərbaycan və Türkiyə XİN başçılarının görüşü keçirilib

    Tərəflər ikitərəfli əməkdaşlıqla bağlı bir sıra məsələləri, regiondakı vəziyyəti, Dağlıq Qarabağ münaqişəsinin nizamlanması yollarını müzakirə edib

    Bakı. 18 fevral. REPORT.AZ/ Bakıda Azərbaycan və Türkiyə xarici işlər nazirlərinin - Elmar Məmmədyarov və Mövlud Çavuşoğlunun görüşü keçirilib.

    "Report" xəbər verir ki, görüşdə XİN başçısı Elmar Məmmədyarov çoxsaylı insan tələfatına səbəb olan Ankaradakı terror aktı ilə əlaqədar türkiyəli həmkarına və Türkiyə xalqına başsağlığı verib.

    Görüşdən sonra jurnalistlərə açıqlamasında azərbaycanlı nazir tərəflərin ikitərəfli əməkdaşlıqla bağlı bir sıra məsələləri, o cümlədən nəqliyyat, iqtisadiyyat sahələrini, regiondakı vəziyyəti, Dağlıq Qarabağ münaqişəsinin nizamlanması yollarını müzakirə etdiklərini bildirib.

    M.Çavuşoğlu Dağlıq Qarabağ münaqişəsinin nizamlanması məsələsində Türkiyənin Azərbaycanı tam dəstəklədiyini vurğulayıb: "Bu məsələdə birgə fəaliyyət göstəririk. Fevralın 26-da Xocalı faciəsinin növbəti ildönümünü qeyd edəcəyik. Bu soyqırımı törədənləri lənətləyirik".

    Türkiyəli nazir, həmçinin sabah Tbilisidə Azərbaycan, Türkiyə və Gürcüstan xarici işlər nazirlərinin görüşünün keçiriləcəyinə, eləcə də Bakı-Tbilisi-Qars dəmir yolu xəttinin tikintisi üzrə işlərinin gedişi ilə yerindəcə tanış olacaqlarına ümid etdiyini qeyd edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi