Yuxarı
    Bağlamaq

    Bakıda Azərbaycan-Macarıstan hökumətlərarası komissiyasının növbəti iclası keçiriləcək

    Səfir: Baş nazir Viktor Orbanın da Azərbaycana cavab səfəri gözlənilir

    Bakı. 6 noyabr. REPORT.AZ/ "Növbəti ilin ilk yarısında Bakıda Azərbaycan-Macarıstan hökumətlərarası komissiyasının növbəti iclasının keçiriləcəyi gözlənilir".

    Bu barədə "Report"a Macarıstanın Azərbaycandakı səfiri İmre Laslotski məlumat verib.

    Onun sözlərinə görə, hökumətlərarası komissiya ikitərəfli əməkdaşlığın bütün sferalarını əhatə edir, həmsədrlər - Macarıstan xarici işlər naziri Peter Siyarto və Azərbaycanın iqtisadiyyat və sənaye naziri Şahin Mustafayev arasında isə dostluq münasibətləri yaranıb.

    "Azərbaycan Prezidenti İlham Əliyev 2014-cü ilin noyabrında Macarıstana səfərə gəldiyindən Macarıstanın baş naziri Viktor Orbanın da Azərbaycana cavab səfəri gözlənilir. Baş nazirin Azərbaycanın təklifinə müsbət cavab verəcəyinə ümid edirik. Mən bu məsələ ilə bağlı işləyirəm", - səfir bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi