Yuxarı

​Bakı sakinləri Fransa səfirliyinin qarşısına gül dəstələri qoyublar - FOTOSESSİYA

Gün ərzində insanlar səfirliyin qarşısına gələrək Parisdə baş vermiş terror aktının qurbanlarının xatirəsini yad edib

Bakı. 9 yanvar. REPORT.AZ/ Bakı sakinləri Parisdə "Charlie Hebdo" həftəlik satirik jurnalına hücum nəticəsində həlak olmuş insanların xatirəsini yad etmək və başsağlığı vermək üçün Fransanın Azərbaycandakı səfirliyinin qarşısına gül dəstələri gətiriblər.

"Report"un verdiyi xəbərə görə, gün ərzində insanlar Fransanın Azərbaycandakı səfirliyinin qarşısına gələrək gül dəstələri qoyublar.

Bu gün saat 9-dan 18-dək səfirlikdə qoyulmuş başsağlığı kitabında hər kəsə ürək sözlərini yazmaq üçün imkan yaradılmışdı.

Xatırladaq ki, Fransa prezidenti Fransua Olland "Charlie Hebdo" satirik jurnalının redaksiyasında baş verən terror aktı nəticəsində ölənlərin xatirəsinə üçgünlük matəm elan edib.

Jurnalın redaksiyasına hücum nəticəsində 12 nəfər həlak olub, 11 nəfər yaralanıb.

Dünən, yanvarın 8-də matəmlə əlaqədar olaraq Fransanın Azərbaycandakı səfirliyində bayraqlar endirilib və qurbanların xatirəsi bir dəqiqəlik sükutla yad edilib.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi