Bakıda insan hüquqlarının müdafiəsi haqqında Avropa Konvensiyasının tətbiqi üzrə beynəlxalq konfrans keçiriləcək

Bakı. 21 oktyabr. REPORT.AZ/ Oktyabr ayının 23-24-də Bakıda "İnsan hüquqlarının və əsas azadlıqların müdafiəsi haqqında Avropa Konvensiyasının milli səviyyədə tətbiqi və milli hakimlərin rolu" mövzusunda beynəlxalq konfransı keçiriləcək. "Report"un Avropa Şurasının (AŞ) Venesiya Komissiyasına istinadən verdiyi xəbərə görə, konfransda AŞ-a üzv ölkələrin ədliyyə nazirliklərinin nümayəndələri və hakimləri iştirak edəcəklər. Tədbir iştirakçıları insan hüquqları və əsas azadlıqlar sahəsində Konvensiyanın öz ölkələrində tətbiq olunması məsələlərini müzakirə edəcəklər, həmin məsələ üzrə təcrübələrini paylaşacaqlar.  

Konfransda Venesiya Komissiyasını vitse-prezident Xerdis Torqeyrsdottir (Herdis Thorgeirsdottir) təmsil edəcək.