Yuxarı

​Azərbaycan səfiri İranla əlaqələrin inkişafının genişləndirilməsindən danışıb

Parlamentlərarası dostluq qrupları əlaqələrin inkişafı yolunda duran maneələrin aradan qaldırılmasında təsirli rol oynaya bilər

Bakı. 20 aprel. REPORT.AZ/ "İran və Azərbaycan prezidentlərinin mütəmadi görüşləri əlaqələrin genişləndirilməsi və möhkəmləndirilməsi istiqamətində hər iki tərəfin əzmkar olduğundan xəbər verir".

"Report" İRİB-ə istinadən xəbər verir ki, bunu Azərbaycanın İrandakı səfiri Cavanşir Axundov İran-Azərbaycan parlamentlərarası dostluq qrupunun sədri Ramazanəli Sübhanifərlə görüşündə deyib.

Səfir ölkələr arasında əlaqələrin inkişafından razılıq edib: "İki tərəf arasında imzalanmış əməkdaşlıq sənədlərinin icrası və Astara-Qəzvin dəmiryolunun istifadəyə verilməsi nəticəsində ölkələr və bölgə dövlətləri arasında ticarət əlaqələri genişlənəcək".

Ramazanəli Sübhanifər isə deyib ki, parlamentlərarası dostluq qrupları əlaqələrin inkişafı yolunda duran maneələrin aradan qaldırılmasında təsirli rol oynaya bilər. "İran və Azərbaycanın müsəlman xalqlarının tarixi, mədəni və dini ortaqlıqları ölkələr arasında siyasi, iqtisadi və mədəni əlaqələrin genişləndirilməsi üçün möhkəm dayaq sayılır", - o, bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi