Azərbaycanın XİN başçısı BMT rəsmisi ilə görüşüb

Azərbaycanın XİN başçısı BMT rəsmisi ilə görüşüb Görüşdə Azərbaycan ilə BMTNCİ arasındakı əməkdaşlıq münasibətlərinin inkişafından məmnunluq ifadə olunub
Xarici siyasət
177
26 May , 2021 16:40
Azərbaycanın XİN başçısı BMT rəsmisi ilə görüşüb
Ceyhun Bayramov və Gada Vali

Azərbaycanın xarici işlər naziri Ceyhun Bayramov ilə BMT Vyana bölməsinin Baş direktoru və BMT-nin Narkotiklər və Cinayətkarlığa qarşı Mübarizə İdarəsinin İcraçı direktoru Gada Vali arasında görüş keçirilib.

Bu barədə "Report"a Xarici Işlər Nazirliyinin Mətbuat xidməti idarəsindən məlumat verilib.

Görüşdə Azərbaycan ilə BMTNCİ arasındakı əməkdaşlıq münasibətlərinin inkişafından məmnunluq ifadə olunub.

Tərəflər narkotiklərin qeyri-qanuni dövriyyəsi, korrupsiya və digər transmilli cinayətkarlıq növlərinə qarşı mübarizə üzrə meydana çıxan çətinliklər barədə müzakirə aparıb və birgə əməkdaşlıq layihələrinin həyata keçirilməsi ilə bağlı razılıq əldə edib.

Görüş zamanı, həmçinin korrupsiyaya qarşı mübarizə istiqamətində Azərbaycan Respublikasının uğurlu modeli olan ASAN Xidmət və DOST Mərkəzləri barədə fikir mübadiləsi aparılıb və bu müsbət təcrübənin bölüşdürülməsinin əhəmiyyəti vurğulanıb.

Son xəbərlər

Orphus sistemi