Yuxarı

Azərbaycanın Ukraynadakı səfirliyi iki azərbaycanlının qətlə yetrilməsi ilə bağlı açılan cinayət işlərinin istintaqını nəzarətə götürüb

Səfirlik hər iki cinayət işləri ilə əlaqədar Ukrayna Xarici İşlər Nazirliyinə və Baş Prokurorluğuna müraciətlər göndərib

Bakı. 20 avqust. REPORT.AZ/ Azərbaycanın Ukraynadakı səfirliyi iki azərbaycanlının qətlə yetrilməsi ilə bağlı açılan cinayət işlərinin istintaqını nəzarətə götürüb. 

Bu barədə "Report"a Xarici İşlər Nazirliyinin mətbuat xidmətinin rəhbəri Hikmət Hacıyev məlumat verib. 

O qeyd edib ki, Azərbaycan səfirliyi hər iki cinayət işləri ilə əlaqədar Ukrayna Xarici İşlər Nazirliyinə və Baş Prokurorluğuna müraciətlər göndərib: "2015-ci il iyunun 25-də Ukraynanın Xerson vilayəti, Uryupinski rayonu Podlenivka kəndi ərazisində qətlə yetirilən 4 sentyabr 1976-cı il təvəllüdlü Azərbaycan Respublikası vətəndaşı Nuruşov Vüqar Qiyas oğlu və bu il avqustun 17-də Xerson şəhərində öldürülən 1956-cı ildə Culfa rayonunda anadan olmuş Ukrayna vətəndaşı Tağıyev İlham Tağı oğlunun öldürülməsi ilə əlaqədar Ukraynanın hüquq-mühafizə orqanları tərəfindən açılan cinayət işləri Azərbaycanın Ukraynadakı səfirliyi tərəfindən izlənilir".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi