Azərbaycanın Avropa Vəkillər Kollegiyaları və Hüquq Cəmiyyətləri Şurasında nümayəndəsi müəyyənləşib

Avropa Vəkillər Kollegiyaları və Hüquq Cəmiyyətləri Şurasının (CCBE) Komitəsində Azərbaycan Vəkillər Kollegiyasını təmsil edəcək nümayəndə müəyyənləşib.

"Report" xəbər verir ki, bu barədə Vəkillər Kollegiyasının Rəyasət Heyətinin iclasında qərar qəbul edilib.

Qərara əsasən, Vəkillər Kollegiyasının Rəyasət Heyətinin üzvü Elçin Usub Azərbaycanın təmsilçisi seçilib.

O, bu ilin iyun ayında Bolqarıstanda keçiriləcək PECO-nun iclasında nümayəndə kimi təqdim olunacaq. Bu da yığıncaqda Azərbaycanın ilk iştirakı olacaq.