Bakı. 25 iyun. REPORT.AZ/ Azərbaycan Dövlət Sərhəd Xidmətinin rəisi, general-polkovnik Elçin Quliyev Bakıda səfərdə olan ukraynalı həmkarı, general-polkovnik Petro Tsiqikala ilə görüşüb.
Ukraynanın Azərbaycandakı səfirliyindən "Report"a verilən məlumata görə, tərəflər qurumlar arasında əlaqələrin möhkəmləndirilməsi yollarını müzakirə ediblər.
Danışıqların yekununda Azərbaycan Dövlət Sərhəd Xidməti ilə Ukrayna Dövlət Sərhəd Xidməti arasında 2019-2020-ci illər üzrə əməkdaşlığın inkişaf planı imzalanıb.