Bakı. 7 yanvar. REPORT.AZ/ Ukraynanın baş naziri Arseni Yatsenyuk Azərbaycanın baş naziri Artur Rasizadə ilə telefon danışığı həyata keçirib.
"Report" Ukrayna Nazirlər Kabinetinin mətbuat xidmətinə istinadən xəbər verir ki, söhbət zamanı Ukrayna məhsullarının tranziti mövzusunda müzakirələr aparılıb.
"Ukrayna və Azərbaycan hökumətlərinin rəhbərləri yenidən yaranmış tranzit problemləri ilə əlaqədar prinsipial razılığa gəlib və texniki məsələlərin həlli üçün ən qısa müddətdə hər iki tərəfdən səlahiyyətli nümayəndələrin görüşünün keçirilməsi barədə razılıq əldə olunub", - məlumatda bildirilir.