Bakı. 15 dekabr. REPORT.AZ/ Azərbaycan-Rusiya hökumətlərarası komissiyasının növbəti iclası dekabrın 16-da Bakıda keçiriləcək.
"Report" "Kommersant"a istinadən xəbər verir ki, iclasda iştirak etmək məqsədilə dekabrın 15-də Rusiya baş nazirinin müavini Dmitri Roqozin Bakıya gələcək.
Səfər zamanı D.Roqozin rəsmi şəxslərlə bir sıra görüşlər keçirəcək. Görüşlərdə ikitərəfli əməkdaşlıq perspektivləri, o cümlədən də hərbi-texniki sahədə əməkdaşlıq məsələləri müzakirə ediləcək.
"Kommersant"ın məlumatına görə, görüşdə həmçinin Rusiyanın Ermənistana "İskəndər-M" əməliyyat-taktiki komplekslərinin tədarükü məsələsi də müzakirə ediləcək.