Yuxarı
    Bağlamaq

    Azərbaycan və Özbəkistan diplomatları ikitərəfli əlaqələri müzakirə ediblər

    Tərəflər, xüsusilə ticari-iqtisadi əməkdaşlıqda maraqlıdırlar

    Bakı. 7 aprel. REPORT.AZ/ Aprelin 6-da Azərbaycanın xarici işlər nazirinin müavini Xələf Xələfov Özbəkistanın xarici siyasət idarəsində danışıqlar aparıb.

    "Report" "UzDaily"yə istinadən xəbər verir ki, bu barədə Özbəkistan Xarici İşlər Nazirliyinin mətbuat xidməti məlumat yayıb.

    Azərbaycan nümayəndə heyəti Daşkəndə MDB-nin Xarici İşlər Nazirləri Şurasının növbəti iclasında iştirak etmək üçün səfər edib.

    Tərəflər siyasi, ticari-iqtisadi, mədəni-humanitar və digər qarşılıqlı maraq kəsb edən sahələrdə Azərbaycan-Özbəkistan münasibətlərinin cari vəziyyəti və perspektivlərini müzakirə ediblər.

    Diplomatlar ölkələrin BMT və MDB kimi beynəlxalq və regional təşkilatlar çərçivəsində qarşılıqlı fəaliyyət məsələlərinə diqqət ayırıblar.

    Tərəflər, xüsusilə də, ticari-iqtisadi sahədə əməkdaşlığın bundan sonra da genişləndirilməsində maraqlı olduqlarını qeyd ediblər.

    Onlar, həmçinin iki ölkənin işgüzar dairələri arasında əlaqələrin intensivləşdirilməsi, qarşılıqlı mal tədarükü nomenklaturalarının şaxələndirilməsinin tərəfdarı olduqlarını ifadə ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi