Azərbaycan və Misir XİN-ləri arasında məsləhətləşmələr keçirilib

Azərbaycan və Misir XİN-ləri arasında məsləhətləşmələr keçirilib Qahirə şəhərində Azərbaycan və Misir Ərəb Respublikasının Xarici İşlər Nazirlikləri arasında məsləhətləşmələrin növbəti raundu keçirilib
Xarici siyasət
102
22 İyun , 2021 13:00
Azərbaycan və Misir XİN-ləri arasında məsləhətləşmələr keçirilib

Qahirə şəhərində Azərbaycan və Misir Ərəb Respublikasının Xarici İşlər Nazirlikləri arasında məsləhətləşmələrin növbəti raundu keçirilib.

Bu barədə "Report"a Xarici İşlər Nazirliyinin Mətbuat xidməti idarəsindən məlumat verilib.

Məsləhətləşmələrdə Misir tərəfini xarici işlər nazirinin müavini səfir Badr Abdelatti, Azərbaycan tərəfini isə xarici işlər nazirinin müavini Fariz Rzayev təmsil edib.

Görüşdə iki ölkə arasındakı münasibətlərin hazırkı vəziyyəti, habelə ikitərəfli əlaqələrin siyasi, iqtisadi, humanitar və digər sahələrdə inkişafı yolları müzakirə olunub. Tərəflər, həmçinin qarşılıqlı maraq doğuran regional və qlobal xarakterli məsələlərə dair fikir mübadiləsi aparıblar.

Azərbaycan tərəfi bölgədə münaqişə sonrası mövcud olan vəziyyət, o cümlədən azad olunmuş ərazilərdə bərpa, quruculuq, reinteqrasiya işləri barədə məlumat təqdim edib.

Son xəbərlər

Orphus sistemi