Azərbaycan və İsveçrə siyasi məsləhətləşmələr aparacaq

Bakı. 1 mart. REPORT.AZ/ Gələn həftə Bakıda Azərbaycanla İsveçrə arasında siyasi məsləhətləşmələr keçiriləcək.

"Report" xəbər verir ki, bu barədə jurnalistlərə İsveçrənin Azərbaycandakı səfiri Filipp Ştalder mətbuat konfransında bildirib.

Səfir deyib ki, məsləhətləşmələrdə iştirak etmək üçün martın 5-də Bakıya Federal Xarici İşlər Departamentinin dövlət katibinin müavini Kristina Marti Lanq başçılıq edəcəyi İsveçrənin nümayəndə heyəti gələcək.