Yuxarı
    Bağlamaq

    Azərbaycan səfiri və deputatlar Litvanın Klaypeda şəhərinə səfər ediblər

    Səfər zamanı şəhərin meri və limanın rəhbəri ilə görüş keçirilib

    Bakı. 19 may. REPORT.AZ/ Azərbaycanın Litvadakı səfiri Həsən Məmmədzadə və Litvada rəsmi səfərdə olan Azərbaycan-Litva parlamentlərarası əlaqələr üzrə işçi qrupunun üzvləri Klaypeda şəhərinə səfər ediblər.

    Azərbaycanın Litvadakı səfirliyindən "Report"a verilən məlumata görə, səfər zamanı Klaypeda şəhərinin meri Vitautas Qrubliauskas və Klaypeda limanının rəhbərliyi ilə görüşlər keçirilib.

    Şəhər meri ilə görüş zamanı Azərbaycan və Litva arasında siyasi, sosial, humanitar və iqtisadiyyatın müxtəlif sahələrində əlaqələrin uğurla inkişaf etdiyi vurğulanıb, o cümlədən ölkələrimizin regionlararası əlaqələrin genişləndirilməsində maraqlı olduğu bildirilib. İki ölkə arasında münasibətlərin inkişafında humanitar sahənin xüsusi rol oynadığı vurğulanaraq, regionlar arasında bir başa mədəni əlaqələrin qurulmasının vacibliyi qeyd edilib.

    Daha sonra, Klaypeda Limanının rəhbərliyi ilə görüş keçirilib. Görüşdə limanın rəhbərliyi tərəfindən limanın infrastrukturu, imkanları, həyata keçirilən yeni layihələr barədə məlumat verilib, iki ölkə arasında iqtisadi əlaqələrin genişlənməsi, sərmayələrin yatırılması məsələlərinə dair fikir mübadiləsi aparılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi