Yuxarı
    Bağlamaq

    Azərbaycan səfiri Qazaxıstan Senatının spikeri ilə görüşüb

    Tərəflər sahibkarlar arasında əlaqələrin qurulması, Xəzər dənizində əməkdaşlığın inkişafı məsələlərini müzakirə edib

    Bakı. 29 mart. REPORT.AZ/ Azərbaycanın Qazaxıstandakı səfiri Rəşad Məmmədov Qazaxıstan parlamentinin yuxarı palatasının sədri Kasım-Jomart Tokayev ilə görüşüb.

    "Report" "Zakon.kz"a istinadən xəbər verir ki, görüşdə Senatın spikeri Qazaxıstan-Azərbaycan tərəfdaşlığının strateji xarakterini vurğulayıb. Onun sözlərinə görə, iki ölkənin parlamentariləri həm ikitərəfli səviyyədə, həm də MDB Parlamentlərarası Assambleyası çərçivəsində məhsuldar əməkdaşlıq edirlər.

    Öz növbəsində, R.Məmmədov iki ölkə arasında hərtərəfli əməkdaşlığın möhkəmlənməsinə yardım etmək niyyətini dilə gətirib.

    Tərəflər, həmçinin sahibkarlar arasında əlaqələrin qurulması, Xəzər dənizində əməkdaşlığın inkişafı, tranzit-nəqliyyatı sahəsində əməkdaşlığın gücləndirilməsi məsələlərini müzakirə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi