Yuxarı

​Azərbaycan prezidenti Moskvada Cümə məscidinin açılışında iştirak edə bilər

Mərasim sentyabrın 23-də keçiriləcək

Bakı. 22 sentyabr. REPORT.AZ/ Azərbaycan prezidenti İlham Əliyev Moskvada Cümə məscidinin açılış mərasimində iştirak edə bilər.

"Report" RBK-ya istinadən xəbər verir ki, mərasim sentyabrın 23-də müsəlmanların müqəddəs Qurban bayramı ərəfəsində keçiriləcək.

Məlumata görə, tədbirdə Rusiya və Türkiyə prezidentləri ilə yanaşı Azərbaycan, Səudiyyə Ərəbistanı, Fələstin, İordaniya, Qətər, Küveyt, Qazaxıstan, Qırğızıstan, Türkmənistan, Özbəkistan, Tacikistan, İran və digər ölkə liderlərinin iştirakı gözlənilir.

Məscidin açılışı və Qurban bayramı münasibəti ilə 23-24 sentyabr tarixlərində Moskvanın müəyyən küçələrində avtomobillərin hərəkəti məhdudlaşdırılacaq.

Moskva Cümə məscidi tutumuna görə Avropada müsəlmanların ən böyük ibadət ocağı olacaq. Onun sahəsi təqribən 19 kv. m təşkil edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi