Prezident İlham Əliyev Bidzina İvanişvilini təbrik edib

Prezident İlham Əliyev Bidzina İvanişvilini təbrik edib Hörmətli cənab İvanişvili,
Xarici siyasət
3656
1 Noyabr , 2020 17:37
Prezident İlham Əliyev Bidzina İvanişvilini təbrik edib
İlham Əliyev

Azərbaycan Respublikasının Prezidenti İlham Əliyev “Gürcü Arzusu - Demokratik Gürcüstan” partiyasının sədri Bidzina İvanişvilini parlament seçkilərində qələbə münasibətilə təbrik edib.

"Report" xəbər verir ki, təbrikdə bildirilir:

"Hörmətli cənab İvanişvili,

Gürcüstanda keçirilmiş parlament seçkilərində “Gürcü Arzusu - Demokratik Gürcüstan” partiyasının qalib gəlməsi münasibətilə Sizi öz adımdan və Yeni Azərbaycan Partiyası adından ürəkdən təbrik edirəm.

Sədri olduğunuz partiyanın ardıcıl olaraq üçüncü parlament seçkilərində qalib gəlməsi dost Gürcüstan xalqının həyata keçirdiyiniz siyasi kursa dəstəyini bir daha təsdiq etdi.

İnanıram ki, bu qələbəniz ölkənizin daha da çiçəklənməsinə xidmət edəcək, xalqlarımız arasında çoxəsrlik dostluq və mehriban qonşuluq ənənələrinə əsaslanan Azərbaycan-Gürcüstan strateji tərəfdaşlıq münasibətlərinin hərtərəfli inkişafına bundan sonra da töhfə verəcəkdir.

Fürsətdən istifadə edərək Sizə möhkəm cansağlığı, işlərinizdə uğurlar, dost Gürcüstan xalqına daim əmin-amanlıq və firavanlıq arzu edirəm".

Son xəbərlər

Orphus sistemi