Yuxarı
    Bağlamaq

    Azərbaycan Prezidenti Dövlət Gömrük Komitəsi ilə ÜGT arasında Anlaşma Memorandumunu təsdiqləyib

    Azərbaycan Dövlət Gömrük Komitəsinin Kinoloji Mərkəzi ÜGT-nin Regional Kinoloji Mərkəzi olacaq

    Bakı. 31 oktyabr. REPORT.AZ/ Prezident İlham Əliyev Dövlət Gömrük Komitəsi ilə Ümumdünya Gömrük Təşkilatı arasında Azərbaycan Dövlət Gömrük Komitəsinin Kinoloji Mərkəzindən Ümumdünya Gömrük Təşkilatının Regional Kinoloji Mərkəzi kimi istifadə edilməsinə dair Anlaşma Memorandumunun təsdiq edilməsi haqqında sərəncam imzalayıb.

    "Report" xəbər verir ki, sərəncama əsasən Dövlət Gömrük Komitəsi ilə Ümumdünya Gömrük Təşkilatı arasında Azərbaycan Respublikası Dövlət Gömrük Komitəsinin Kinoloji Mərkəzindən Ümumdünya Gömrük Təşkilatının Regional Kinoloji Mərkəzi kimi istifadə edilməsinə dair 2015-ci il sentyabrın 7-də Bakı şəhərində imzalanan Anlaşma Memorandumu təsdiq edilib.

    Dövlət Gömrük Komitəsi Anlaşma Memorandumunun müddəalarının həyata keçirilməsini təmin etməlidir.

    Sərəncama əsasən, Azərbaycan Xarici İşlər Nazirliyi Anlaşma Memorandumunun qüvvəyə minməsi üçün zəruri olan dövlətdaxili prosedurların yerinə yetirildiyi barədə Ümumdünya Gömrük Təşkilatına bildiriş göndərməlidir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi