Yuxarı

Azərbaycan İrana 21 məhbus təhvil verib

Hazırda Azərbaycan həbsxanalarında 125-dən artıq İran vətəndaşı var, daha 63 nəfər isə istintaq təcridxanalarında saxlanılır

Bakı. 2 mart. REPORT.AZ/ Bu gün Azərbaycan ölkəmizdə həbsə məhkum edilmiş 21 nəfər İran vətəndaşını adıçəkilən ölkəyə təhvil verib.

Bu barədə "Report"a İranın Azərbaycandakı səfirliyindən məlumat verilib.

Məlumata görə, məhbuslar İrana "Astara" sərhəd-keçid məntəqəsində təhvil verilib. Məhbuslar cəzasının qalan hissəsini vətənlərində çəkəcək. O da qeyd edilib ki, İran tərəfinə təhvil verilən məhkumlar arasında 3 qadın da olub.

Qarşı tərəfə təhvil verilən məhbusların əksəri narkotik qaçaqmalçılığına görə cəza çəkənlər olub.

Məhbusların qarşı tərəfə verilməsi iki ölkə arasındakı saziş çərçivəsində həyata keçirilib.

Səfirlikdən onu da bildiriblər ki, hazırda Azərbaycan həbsxanalarında İranın 125-dən çox vətəndaşı var, daha 63 nəfər isə istintaq təcridxanalarında saxlanılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi