Azərbaycan DİN-in nümayəndə heyəti Qazaxıstanda səfərdədir

Azərbaycan DİN-in nümayəndə heyəti Qazaxıstanda səfərdədir Qazaxıstanın daxili işlər naziri, polis general-polkovniki Kalmuxanbet Qasımovla görüş olub
Xarici siyasət
365
16 May , 2018 09:43
Azərbaycan DİN-in nümayəndə heyəti Qazaxıstanda səfərdədir
0 : 00
0 : 00

Bakı. 16 may. REPORT.AZ/ Azərbaycanın daxili işlər nazirinin birinci müavini, polis general-leytenantı Vilayət Eyvazovun rəhbərlik etdiyi DİN nümayəndə heyəti Astanada səfərdədir.

"Report" "Kazakhstan Today"ə istinadən xəbər verir ki, səfər zamanı Qazaxıstanın daxili işlər naziri, polis general-polkovniki Kalmuxanbet Qasımov və bu ölkənin daxili işlər nazirinin birinci müavini, polis general-mayoru Janat Süleymenovla görüşlər keçirilib. Tərəflər ikitərəfli əməkdaşlığın aktual məsələlərini, həmçinin cinayətkarlığa qarşı mübarizə sahəsində gələcək əməkdaşlığın perspektivlərini müzakirə ediblər.

Görüşlərdə iki dövlətin Daxili İşlər nazirliklərinin sahə bölmələrinin rəhbərləri də iştirak ediblər.

Səfər mayın 17-də başa çatacaq.