Azərbaycan “Ağdam” adının Latviya ticarət nişanları tərəfindən istifadəsinə etiraz edib

Azərbaycan “Ağdam” adının Latviya ticarət nişanları tərəfindən istifadəsinə etiraz edib “Ağdam” coğrafi adının Latviya ticarət nişanları tərəfindən istifadə edilməsinə etiraz bildirilib
Xarici siyasət
246
22 Fevral , 2021 12:54
Azərbaycan “Ağdam” adının Latviya ticarət nişanları tərəfindən istifadəsinə etiraz edib
0 : 00
0 : 00

Ötən il Azərbaycanın beynəlxalq əlaqələr sisteminin inkişafı ilə əlaqədar aparılan işlər çərçivəsində Əqli mülkiyyət Agentliyi həmçinin Avropa Komissiyası tərəfindən təqdim edilən “Azərbaycan Respublikası və Avropa İttifaqı arasında Strateji Tərəfdaşlıq haqqında Saziş” layihəsinin iqtisadi bloku üzrə İşçi qrupun üzvü qismində sənədin “Ticarət, sərmayə, enerji ticarəti məsələləri” hissəsinin “Əqli mülkiyyət” fəslinin müvafiq müddəalarının mətnlərinin razılaşdırılması prosesinə cəlb olunub.

"Report" xəbər verir ki, bu çərçivədə agentliyin nümayəndələri Avropa Komissiyasının aidiyyəti nümayəndələri ilə mütəmadi olaraq müxtəlif formatlı, o cümlədən video konfranslar vasitəsi ilə və onlayn rejimdə aparılan müzakirələrdə, həmçinin danışıqlar zamanı ölkəmizin vahid mövqeyinin formalaşdırılması ilə bağlı İqtisadiyyat Nazirliyi tərəfindən keçirilən tədbirlərdə iştirak ediblər.

Ticarət, iqtisadi və əlaqədar hüquqi məsələlər üzrə Avropa İttifaqı-Azərbaycan alt komitəsinin ötən ilin fevralın 17-də Brüssel şəhərində keçirilən 17-ci iclasında əqli mülkiyyət hüquqlarını pozan mallara və saxta məhsullara qarşı sərhəd nəzarətinin gücləndirilməsi, tükənmə rejimi ilə bağlı qaydaların müəyyənləşdirilməsi müzakirələr predmeti olub.

Agentliyin nümayəndəsi həmçinin “Ağdam” coğrafi adının Latviya ticarət nişanları tərəfindən istifadə edilməsinə etirazını bildirib.

Son xəbərlər

Orphus sistemi