Azərbaycan XİN-in sözçüsü Elman Abdullayev Efiopiyaya səfir təyin edilib

Bakı. 19 sentyabr. REPORT.AZ/ Azərbaycan prezidenti İlham Əliyev Elman Telman oğlu Abdullayevə ikinci dərəcəli fövqəladə və səlahiyyətli elçi diplomatik rütbəsi verilməsi barədə sərəncam imzalayıb. “Report” xəbər verir ki, prezidentin digər sərəncamı ilə Elman Abdullayev Azərbaycan Respublikasının Efiopiya Federativ Demokratik Respublikasında fövqəladə və səlahiyyətli səfiri təyin edilib.

Qeyd edək ki, E.Abdullayev Azərbaycan Xarici İşlər Nazirliyinin (XİN) mətbuat xidmətinin rəhbəri olub.