Azərbaycanın xarici işlər naziri ABŞ-ın Nyu-York şəhərinə işgüzar səfər edib

Bakı. 22 sentyabr. REPORT.AZ/ Azərbaycanın xarici işlər naziri Elmar Məmmədyarov rəhbərlik etdiyi nümayəndə heyətinin müşayiəti ilə BMT Baş Assambleyasının 69-cu sessiyasında iştirak etmək məqsədilə bu gün ABŞ-ın Nyu-York şəhərinə işgüzar səfər edib. Bu barədə "Report"a Azərbaycan Xarici İşlər Nazirliyin mətbuat xidmətindən bildirilib.

Məlumatına görə, səfər çərçivəsində nazir Elmar Məmmədyarovun BMT-nin 69-cı sessiyasında iştirakı və sessiyanın ümumi müzakirələr hissəsində çıxışı, BMT-nin müxtəlif məsələlərə həsr olunmuş iclaslarında iştirakı və ikitərəfli və çoxtərəfli əsasda çoxsaylı görşüləri nəzərdə tutulub.