Yuxarı
    Bağlamaq

    Azərbaycanın səfiri etimadnaməsini Bəhreyn kralına təqdim edib

    Bəhreyn kralı iki ölkə arasında mövcud olan münasibətlərinin ənənəvi dostluq xarakteri daşıdığını bildirib

    Bakı. 12 senytyabr. REPORT.AZ/ Azərbaycanın Səudiyyə Ərəbistanı Krallığı, Bəhreyn Krallığı, Oman Sultanlığı və Yəməndəkı səfiri, eyni zamanda İslam Əməkdaşlığı Təşkilatı yanındakı daimi nümayəndəsi Rasim Rzayev etimadnaməsini Bəhreyn kralı Həməd bin İsa Əl Xəlifəyə təqdim edib. Bu barədə Report-a Azərbaycan Xarici İşlər Nazirliyindən məlumat verilib.

    Bəhreyn kralı səfiri yeni təyinatı münasibəti ilə təbrik edərək, Azərbaycan və Bəhreyn arasındakı münasibətlərinin ənənəvi dostluq xarakteri daşıdığını xüsusi vurğulayıb.

    Səfir Rasim Rzayev diplomatik fəaliyyəti dövründə iki ölkə arasında dostluq münasibətlərinin və işgüzar əlaqələrin daha da möhkəmlənməsi və genişlənməsi üçün səylərini əsirgəməyəcəyini bildirib.

    Görüş əsnasında səfir Azərbaycanın bir çox sahələrdə əldə etdiyi nailiyyətləri, ölkədə son illərdə həyata keçirilmiş iqtisadi islahatlar, neft-qaz sahəsinin inkişafı istiqamətində görülən işlər, regional və qlobal əhəmiyyətli layihələr, eləcə də Ermənistan-Azərbaycan münaqişəsi haqqında Bəhreyn Kralı Həməd bin İsa Əl Xəlifəyə ətraflı məlumat verib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi