Avropa İttifaqı Leyla və Arif Yunusun Niderlanda getməsinə icazə verilməsini alqışlayıb

Bakı. 20 aprel. REPORT.AZ/ “Sülh və Demokratiya İnstitutu”nun direktoru Leyla Yunus və onun həyat yoldaşı Arif Yunusun müalicə üçün Azərbaycandan Niderlanda getməsi ilə bağlı Avropa Xarici Fəaliyyət Xidmətinin sözçüsü Maya Kosyançiç bəyanat yayıb.

"Report"un məlumatına görə, bəyanatda deyilir ki, Yunusların ölkəni tərk etməsinə icazə verilməsi ilə bağlı Azərbaycan qurumlarının mərhəmətli qərarı Avropa İttifaqı və Azərbaycan arasında əlaqələrin daha da güclənməsinə töhfə verir.