Yuxarı

Avronest PA-nın növbəti sessiyası Brüsseldə keçiriləcək

Martın 23-də qonşuluq siyasəti və genişlənmə üzrə Avropa komissarı sessiya iştirakçılarına müraciət edəcək

Bakı. 18 mart. REPORT.AZ/ Avronest Parlament Assambleyasının növbəti iclası 21-23 mart tarixlərində Brüsseldə keçiriləcək.

"Report"un məlumatına görə, iclasda Avropa Parlamentinin prezidenti Martin Şultsun, Avropa İttifaqının xarici işlər və təhlükəsizlik siyasəti üzrə ali nümayəndəsi Federika Mogerininin iştirakçıları salamlaması oxunacaq. Eyni zamanda, martın 23-də qonşuluq siyasəti və genişlənmə üzrə Avropa komissarı Yohannes Han sessiya iştirakçılarına müraciət edəcək.

Sessiya iştirakçıları "Şərq Tərəfdaşlığı" proqramına üzv ölkələr arasında parlamentlərarası əməkdaşlıq məsələlərini müzakirə edəcəklər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi