ATƏT-in İnsan alverinə qarşı mübarizə üzrə xüsusi nümayəndəsinin Azərbaycana səfəri başlayıb

Bakı. 10 mart. REPORT.AZ/ ATƏT-in İnsan alverinə qarşı mübarizə üzrə xüsusi nümayəndəsi Mədinə Carbusınova Azərbaycana gəlib. "Report" xəbər verir ki, 5 günlük səfər çərçivəsində M.Carbusınova Bakıda Azərbaycanın rəsmi şəxsləri, eləcə də vətəndaş cəmiyyətinin nümayəndələri ilə bir sıra görüşlər keçirəcək.

M.Carbusınova insan alveri ilə mübarizədə Azərbaycan və ATƏT-in əməkdaşlığının inkişafı məsələlərini müzakirə edəcək.