Yuxarı
    Bağlamaq

    Aşqabadda Xəzər dənizinin hüquqi statusu müzakirə olunub

    Xəzər dənizinin hüquqi statusu haqqında Konvensiyanın hazırlanması üzrə xüsusi işçi qrupunun 49-cu iclası keçirilib

    Bakı. 2 iyun. REPORT.AZ/ Aşqabadda Xəzəryanı ölkələrin xarici işlər nazirlərinin müavinləri səviyyəsində Xəzər dənizinin hüquqi statusu haqqında Konvensiyanın hazırlanması üzrə xüsusi işçi qrupunun 49-cu iclası keçirilib.

    "Report" xəbər verir ki, görüş Türkmənistan Xarici İşlər Nazirliyi və Prezident yanında Xəzər dənizi məsələləri üzrə Dövlət Müəssisəsi tərəfindən təşkil edilib.

    İclasda Azərbaycanın xarici işlər nazirinin müavini Xələf Xələfov iştirak edib. 

    Görüş zamanı nümayəndə heyətlərinin rəhbərləri Xəzərin hüquqi statusu haqqında Konvensiyanın müəyyən müddəalarıyla əlaqədar öz ölkələrinin mövqelərini qeyd ediblər.

    Tərəflər Xəzəryanı ölkələrin dövlət başçılarının növbəti sammitinə hazırlıq çərçivəsində Xəzəryanı ölkələrin liderlərinin daha əvvəl əldə etdikləri razılaşmaların praktiki həyata keçirilməsi üzrə böyük iş görüldüyünü vurğulayıb. Konvensiyanın - Xəzəryanı dövlətlərin fəaliyyətini, o cümlədən onların öz milli yurisdiksiyası zonalarında, tənzimləyən əsas beynəlxalq sazişin bir sıra əsas maddələri üzrə razılıq əldə olunub.

    Sənədin layihəsi özündə həm də gəmiçilik, ətraf mühitin mühafizəsi və ətraf mühitin rasional idarə edilməsi, o cümlədən Xəzər dənizinin bioloji ehtiyatlarından və onun dibi və təkinin mineral resurslarından istifadə sahəsində beynəlxalq hüququn müasir prinsip və normalarını ehtiva edir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi