Yuxarı
    Bağlamaq

    AŞPA prezidenti: "Azərbaycanın bu addımı düzgün istiqamətdədir"

    Bu vətəndaşların öz ailələrinin yanına qayıtmalarına görə şadam

    Bakı. 18 aprel. REPORT.AZ/ AŞPA prezidenti Pedro Aqramunt Azərbaycan Prezidenti İlham Əliyevin bir qrup vətəndaşın əfv olunmasıyla bağlı son sərəncamını yüksək qiymətləndirib.

    "Report" xəbər verir ki, Avropa Şurası Parlament Assambleyasının yaz sessiyasının açılışında çıxışı zamanı Assambleyanın prezidenti "Azərbaycanın bu addımı düzgün istiqamətdədir və xoş məramın göstəricisidir" deyib.

    "Bu vətəndaşların öz ailələrinin yanına qayıtmalarına görə şadam", - deyə P.Aqramunt sözlərinə davam edib.

    Xatırladaq ki, martın 17-də Azərbaycan Prezidenti İlham Əliyev "Məhkum edilmiş bir sıra şəxslərin əfv olunması haqqında" sərəncam imzalayıb. Əfv sərəncamı 148 nəfərə, o cümlədən bəzi tanınmış şəxslərə şamil olunub. Belə ki, əfv sərəncamında Prezident Administrasiyasının keçmiş işlər müdiri Akif Muradverdiyev, "İnsan hüquqları" klubunun rəhbəri Rəsul Cəfərov, jurnalist Pərviz Həşimli, Azərbaycan Milli Dövlətçilik Partiyasının sədri Nemət Pənahlı, Müsavat Partiyası başqanının müavinləri Tofiq Yaqublu və Yadigar Sadıqov, müsavatçı gənc Sirac Kərimli, "Demokratiyanın Tədrisi Mərkəzi"nin həmtəsisçisi və sədri Anar Məmmədli, hüquq müdafiəçisi Taleh Xasməmmədov, NİDA-nın üzvləri Məmməd Əzizov, Rəşadət Axundov, Rəşad Həsənov, Ömər Məmmədov, "Talışi sədo" qəzetinin baş redaktoru Hilal Məmmədov da yer alıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi