Yuxarı
    Bağlamaq

    AŞPA həmməruzəçilərinin Azərbaycana səfəri başlayıb

    Ölkənin rəsmi şəxsləri və ictimaiyyət nümayəndələri ilə görüşlər nəzərdə tutulub

    Bakı. 2 mart. REPORT.AZ/ Avropa Şurası Parlament Assambleyasının (AŞPA) Monitorinq Komitəsinin Azərbaycan üzrə həmməruzəçiləri Pedro Aqramunt və Tadeuş İvinski Azərbaycana gəlib. "Report" AŞPA mətbuat xidmətinə istinadən xəbər verir ki, səfər zamanı həmməruzəçilərin Azərbaycan Prezidenti İlham Əliyev, Milli Məclisin sədri Oqtay Əsədov, ədliyyə naziri Fikrət Məmmədov, Azərbaycanın AŞPA-dakı nümayəndə heyəti ilə görüşləri nəzərdə tutulub. P.Aqramunt və T.İvinski, həmçinin Baş Prokurorluq, Azərbaycan Prezidenti Administrasiyası, Mərkəzi Seçki Komissiyasında da görüşlər keçirəcəklər. 

    AŞPA mətbuat xidmətinin məlumatına əsasən, həmməruzəçilər ölkənin ictimayyət nümayəndələri ilə görüşəcək, həbsxanada dustaqlara baş çəkəcəklər. 

    Səfər martın 3-də başa çatacaq. 

    Xatırladaq ki, polşalı deputat T.İvinski AŞPA-nın yanvarın 29-da Strasbuqrda keçirilən qış sessiyası zamanı Monitorinq Komitəsinin  Azərbaycan üzrə həmməruzəçisi vəzifəsinə seçilib. Bu vəzifədə o, Cozef Qrexi (Malta) əvəz edib. Bu T.İvinskinin həmməruzəçi qismində Azərbaycana ilk səfəridir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi