Yuxarı

AŞPA həmməruzəçiləri gələn həftə Azərbaycana səfər edəcək

Görüşdə Azərbaycanın Aİ qarşısındakı öhdəliklərinin yerinə yetirilməsi məsələsi müzakirə olunacaq

Bakı. 27 fevral. REPORT.AZ/ AŞPA Monitorinq Komitəsinin həmməruzəçiləri Pedro Aqramunt və Tadeiuş İvinski martın 2-3-də Bakıya gələcək. 

"Report" AŞPA-nın mətbuat xidmətinə istinadən xəbər verir ki, həmməruzəçilər səfər çərçivəsində dövlət rəsmiləri, vətəndaş cəmiyyətinin nümayəndələri ilə görüşəcək. 

Görüşlərdə Azərbaycanın Avropa İttifaqı (Aİ) qarşısındakı öhdəliklərinin yerinə yetirilməsi məsələsi müzakirə olunacaq. 

Xatırladaq ki, polşalı deputat T.İvinski AŞPA-nın yanvarın 29-da Strasburqda keçirilən qış sessiyasında qurumun Monitorinq Komitəsinin Azərbaycan üzrə həmməruzəçisi seçilib. O bu vəzifədə maltalı Cozef Debono Qrexi əvəz edib. Bu, T.İvinskinin yeni təyinatdan sonra Azərbaycana ilk səfəridir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi