AŞPA azərbaycanlı deputatın hesabatı əsasında qətnamə qəbul edib

Avropa Şurası Parlament Assambleyası (AŞPA) "Miqrant uşaqlara qarşı zorakılığa və onların istismarına son qoymaq" adlı qətnamə qəbul edib. 

"Report"un Fransa bürosunun məlumatına görə, sənəddə miqrant uşaqların cəmiyyətin ən həssas təbəqəsini təşkil etdiyi qeyd olunub. 

Assambleya üzv ölkələrə miqrant uşaqlara qarşı zorakılığın bütün formalarına qarşı mübarizə aparmağı, miqrant uşaqları hər bir sahədə qorumaq və onların fundamental hüquqlarını müdafiə etmək üçün birgə strategiya hazırlamağı tövsiyə edib.

Qətnamə azərbaycanlı deputat, Azərbaycanın AŞPA-dakı nümayəndə heyətinin üzvü Sevinc Fətəliyevanın hazırladığı hesabat əsasında qəbul edilib.