Yuxarı

Almaniya səfiri Yeni İl münasibəti ilə Azərbaycan xalqını təbrik edib

Təbrikdə səfir iki ölkə arasında əlaqələrin qurulmasında gənclərin rolunu da qeyd edib

Bakı. 31 dekabr. REPORT.AZ/ Almaniyanın Azərbaycandakı səfiri xanım Haydrun Tempel Yeni il bayramı münasibəti ilə Azərbaycan xalqını təbrik edib.

"Report"un Almaniyanın Azərbaycandakı səfirliyinin yaydığı məlumata istinadən verdiyi xəbərə görə, H.Tempel təbrikdə qeyd edib ki, 2015-ci il bir çox mühüm hadisələrlə yaddaşlarda qalacaq.

"May ayının əvvəlində Bakıda böyük miqyasda keçirilən Asiya İnkişaf Bankı Rəhbərlər Şurasının iclasına bir çox qitədən maliyyə və inkişaf siyasətçiləri gəlmişdirlər. Bundan sonra, Avropadan 1 000-dən çox idmançının və xarici qonaqların da iştirak etdiyi I Avropa Oyunları keçirilib. Hər birimiz 17 gün ərzində Azərbaycanda möhtəşəm ev sahibliyi və böyük idman bayramının şahidi olduq", - deyə H.Tempel əlavə edib.

Təbrikdə səfir iki ölkə arasında əlaqələrin qurulmasında gənclərin rolunu da qeyd edib: "Bu baxımdan, Almaniyaya böyük marağı olan gənc azərbaycanlılar, IPS, DAAD və menecer proqramlarının təqaüdçüləri iki ölkənin xalqları arasında gələcəyə aparan körpü qururlar".

Sonda almaniyalı diplomat azərbaycanlılara uğurlu və sağlam Yeni İl arzu edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi