Yuxarı

Albaniyanın Azərbaycanda yeni səfiri təyin edilib

Yaxın zamanda səfir etimadnaməsini Prezident İlham Əliyevə təqdim edəcək

Bakı. 8 iyul. REPORT.AZ/ Albaniyanın Azərbaycanda yeni səfiri təyin edilib. 

Albaniya hökumətinin dəftərxanasından "Report"a verilən məlumata görə, yeni səfir Genti Qajeli (Genti Gazheli) olub. Onun iqamətgahı Türkiyədə olacaq.

Bu postda o, Qençi Muçayı əvəz edəcək.

Bundan əvvəl G.Qajeli Albaniya Xarici İşlər Nazirliyinin çirkli pulların yuyulmasının qarşısının alınması üzrə bölməsinin baş direktoru vəzifəsində çalışıb. O, alban, ingilis, fransız və italyan dillərində sərbəst danışır.

Yeni səfir etimadnaməsini Prezident İlham Əliyevə təqdim etdikdən sonra vəzifəsinin icrasına başlayacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi