Yuxarı
    Bağlamaq

    Aİ və Avropa Şurası Şərq Tərəfdaşlığı ölkələrinə yardım haqqında saziş imzalayıb

    Yardım proqramı 2015-2017-ci illər üçün nəzərdə tutulub

    Bakı. 19 dekabr. REPORT.AZ/ Avropa İttifaqı və Avropa Şurası Şərq Tərəfdaşlığı ölkələrinə 338,8 mln. avro həcmində  yardım haqqında saziş imzalayıb. Bu barədə "Report" Avropa Şurasının mətbuat xidmətinə istinadən xəbər verir. 

    Yardım proqramı 2015-2017-ci illər üçün nəzərdə tutulub. Vəsait Tərəfdaşlıq ölkələrində bir sıra problemlərin, xüsusilə də insan hüquqları, demokratiya və qanun hakimliyinin inkişafına yönəldiləcək. 

    Müvafiq razılaşma  Brüsseldə Avropa Şurası baş katibinin müavini Qabriela Battaini-Draqoni və Avropa Komissiyasının nümayəndəsi Maykl Kpxler arasında imzalanıb. 

    Şərq Tərəfdaşlığı  2009-cu il mayın 7-də Avropa İttifaqı tərəfindən buraxılan çoxtərəfli proqramdır və altı keçmiş SSRİ ölkələri olan Azərbaycan, Ermənistan Gürcüstan, Ukrayna, Moldova və Belarus siyasi və iqtisadi yaxınlaşmaya yönəlib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi