Aİ Şurasının rəhbəri Donald Tusk Prezident İlham Əliyevi təbrik edib

Aİ Şurasının rəhbəri Donald Tusk Prezident İlham Əliyevi təbrik edib "Sizinlə fəaliyyətimizin davam etməsini səmimiyyətlə arzulayıram"
Xarici siyasət
101
13 Aprel , 2018 21:50
Aİ Şurasının rəhbəri Donald Tusk Prezident İlham Əliyevi təbrik edib

Bakı. 13 aprel. REPORT.AZ/ Aprelin 13-də Avropa İttifaqı Şurasının prezidenti Donald Tusk Azərbaycan Respublikasının Prezidenti İlham Əliyevi seçkilərdə qələbə qazanması münasibətilə təbrik edib.

“Report” xəbər verir ki, təbrik məktubunda bildirilir:

"Hörmətli Prezident, əziz İlham.

Yenidən Azərbaycan Respublikasının Prezidenti seçilməyiniz münasibətilə Sizə ən xoş arzularımı çatdırmaq istəyirəm.

Ümidvaram ki, yeni prezidentliyiniz müddətində ortaq fundamental dəyərlərə və prinsiplərə, eləcə də qlobal siyasi və iqtisadi maraqlarımıza əsaslanan yeni geniş ikitərəfli saziş üzrə aparılan danışıqlar vasitəsilə Azərbaycan ilə Avropa İttifaqı arasında münasibətlər daha da dərinləşəcək.

Mən, həmçinin regionda sabitlik və rifah kimi ümumi məqsədlərimizə nail olmaq, Avropa İttifaqının iştirakını və dəstəyini daha da gücləndirmək məqsədilə Şərq Tərəfdaşlığı çərçivəsində əməkdaşlığımızı inkişaf etdirmək naminə Sizinlə fəaliyyətimizin davam etməsini səmimiyyətlə arzulayıram.

Ən yüksək hörmət və ehtiramımı qəbul etməyinizi xahiş edirəm".

Son xəbərlər

Orphus sistemi