Yuxarı
    Bağlamaq

    Aİ Azərbaycanda vətəndaş cəmiyyətinin dəstəklənməsi üzrə yeni proqramı elan edib

    Ştefan Füle Bakıda vətəndaş cəmiyyətinin nümayəndələri ilə görüşüb

    Bakı. 9 sentyabr. REPORT.AZ/ Avropa İttifaqının (Aİ) Genişlənmə və Avropa Qonşuluq Siyasəti üzrə komissarı Ştefan Füle Bakıda vətəndaş cəmiyyətinin nümayəndələri ilə görüşüb. Report Aİ mətbuat xidmətinə istinadən xəbər verir ki, görüş zamanı Azərbaycanda vətəndaş cəmiyyətinin fəaliyyəti, onun hakimiyyət orqanları ilə qarşılıqlı əlaqəsi haqqında fikir mübadiləsi aparılıb. 

    Komissar Ş.Füle Azərbaycanın vətəndaş cəmiyyətinin ölkədə demokratik islahatların keçirilməsi və dəstəklənməsində əhəmiyyətli rolunu qeyd edib. Bununla əlaqədar Ş.Füle Avropa Komissiyası tərəfindən təsdiqlənmiş və Azərbaycanda vətəndaş cəmiyyətinin fəaliyyətinin dəstəklənməsinə yönələn yeni proqramın başlandığını elan edib. Belə ki,  2014-2015-ci illərdə Avropa İttifaqı demokratiya, insan hüquqları və fundamental azadlıqların qorunması sahəsində vətəndaş cəmiyyəti təşkilatlarının fəaliyyətinə 3 mln. avro vəsait ayıracaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi