Bakı. 25 iyun. REPORT.AZ/ Dünyanın diqqəti Ermənistana yönəlib. Paytaxt Yerevanda minlərlə vətəndaşın elektrik enerjisi tariflərinin artırılmasına etiraz olaraq keçirdiyi aksiyaların amansızlıqla dağıdılması barədə xəbərlər KİV səhifələrində sürətlə yayılır. Mövzuya xüsusi diqqət yetirilməsinin səbəbi təkcə aksiyanın dağıdılması zamanı yol verilən hüquq pozuntuları deyil. (
Xüsusi maraq kəsb edən məsələ odur ki, ABŞ Dövlət Departamenti, Avropa İttifaqı, Avropa Şurası, ayrı-ayrı Qərb dövlətləri, həmçinin Qərbin nəzarətində olan beynəlxalq QHT-lər Ermənistanda dəhşətli hüquq pozuntularını sadəcə “görmədilər”. ABŞ isə yalnız Ermənistandakı səfirinin atmaca xatakterli açıqlamaları ilə dünyanın diqqətini Yerevan küçələrində baş verən biabırçılıqdan yayındırmağa çalışdı. Məsələn, ABŞ-ın Ermənistandakı səfiri Riçard Mills iyunun 23-də verdiyi ilk bəyanatda “asayiş qüvvələri ilə mitinq iştirakçıları qarşılıqlı anlaşma göstərdilər” deməklə yenə də ölkəsinin erməni rəğbətini büruzə verdi. Bununla da o, təsir dairələrində olan media qurumlarına hadisələrə hansı kontekstdən yanaşmalı olduqları mesajını çatdırdı. Amma hansı kontekstdə yanaşmasından asılı olamayaraq, istənilən halda bütün KİV-lər bu ölkədə baş verən hadisələri ilk xəbər beşliyində təqdim ediblər. Bu sırada “Euronews” (
Ümumiyyətlə, qəzetin vebsəhifəsində Ermənistan olayları barədə xəbəri xüsusi axtarış aparıb çətinliklə tapmaq mümkündür. Qəzetin 23-24 iyun tarixli xəbər anonsları büsbütün Azərbaycandaxili məsələlərin təhrif edilmiş şərhlərinə həsr edilib. Qəzetin 23 iyun nömrəsinə ilk baxışdan hiss olunur ki, antimilli materialların hazırlanmasına “xüsusi əmək sərf etməli olublar”, tezislərin əsaslandırılması üçün arqument qıtlığı olduğundan, mətnlərin həcmi azalıb. Məsələn, əvvəllər anti-Azərbaycan tezislərin əsaslandırılması yönündə hər məqaləyə ən azı 10 min kompüter işarəsi həsr edən qəzet əməkdaşları, indi ən yaxşı halda 2 min işarə tapmaqla kifayətləniblər. Həm də real hadisələri deyil, uydurulmuş mövzuları gündəmə çıxarıblar. Məsələn, I Avropa Oyunları bitəndən sonra Azərbaycanda “hansı fəlakətlər olacağı” barədə öncəgörmələrə daha çox yer verilib: (
Amma buna baxmayaraq yazmağa çalışırlar, çünki sifariş belədir.
ABŞ-ın Azərbaycandakı “5-ci kolonu” funksiyasını yerinə yetirən “Azadlıq” kimi media orqanlarının susqunluğuna və ictimai rəyi başqa istiqamətə yönəltməyə cəhd göstərmələrinə baxmayaraq, Azərbaycan mediasının və internet istifadəçilərinin fəallığı həqiqətən də erməni tərəfini ciddi narahat edib. Bunu təsdiq edən faktlardan biri də Ermənistan hakimiyyətinə yaxınlığı ilə tanınan informasiya təhlükəsizliyi üzrə ekspert Samvel Martirosyanın açıqlamalarıdır: “Azərbaycan yaranmış vəziyyətdən istifadə edir və Ermənistanda baş verənlərlə bağlı şəbəkəyə nəhəng neqativ informasiya kütləsi atır.
Əsasən "Twitter"də Azərbaycanda vəziyyətin necə yaxşı olması, Ermənistanda isə durumun necə pis olması haqqında spam yayılır”.
Bu arada Strasburqda Avropa Şurası Parlament Assambleyasının (AŞ PA) yay sessiyası çərçivəsində AŞ PA Monitorinq Komitəsinin hazırladığı “Azərbaycanda demokratik institutların fəaliyyəti” adlı qətnamənin qəbul edilməsi qəzet üçün göydəndüşmə olub. Bu mövzuya “AŞPA-dan hakimiyyətə ağır zərbə” başlıqlı yazı ilə reaksiya verən qəzet diqqəti müzakirələr zamanı Avropanı ifşa edən məruzələrdən yayındırmaq üçün bütün vasitələrdən istifadə edib. Yazıda 16 nəfərin məruzəsinə yer ayıran “Azadlıq” nədənsə AŞPA-nın Azərbaycan üzrə keçmiş həmməruzəçisi, səlahiyyətləri bu ilin yanvarında başa çatan maltalı Jozef Debano Orexi “yaddan çıxarıb” (
ABŞ-ın anti-Azərbaycan çetesinin koordinatorlarından biri, “ömrünü insan hüquq müdafiəçiliyinə həsr etmiş” Rebeka Vinsent Ermənistanda baş verənlərə münasibət bildirməyib. 23-24 iyun tarixində özünün "Twitter" səhifəsində 15 status paylaşan Rebeka onlardan yalnız birində Ermənistana yer verib. O da sadəcə “Yerevanda aksiya oldu” formasında. Nə həbs olunan 237 nəfərin hüquqlarının müdafiəsinə təşəbbüs göstərilməyib, onların azadlığa buraxılması üçün kampaniya keçirilməyib, nə də məsələnin ictimailəşdirilməsinə cəhd göstərilməyib. Əvəzində, 15 statusdan 12-si Azərbaycanda “insan haqlarının pozulmasını” ehtiva edir.
Yaranmış boşluğu çetenin fəal üzvlərindən olan “Freedom House” doldurdu. Bu təşkilatın 23 iyunda yayılan açıqlamasının ardından Rebeka və “Azadlıq”dan fərqli mövqe gözləmək sadəlövhlük olardı (
Bu 10 saat ərzində hesabata ən azı bir cümlə əlavə edib Ermənistanda nə isə baş verir demək olardı, amma deyilmədi...