Yuxarı

Amerikalı general: "Azərbaycan və ABŞ hərbçiləri Rumıniyada birgə hərbi təlimlərdə iştirak edəcəklər"

Azərbaycan və ABŞ-ın qarşılıqlı əməkdaşlığı üçün bir çox sahələr mövcuddur

Bakı. 26 may. REPORT.AZ/ Bu yay Rumıniyada Azərbaycan və ABŞ hərbçilərinin birgə hərbi təlimləri (Save Guardian) planlaşdırılır.

"Report"un verdiyi xəbərə görə, bu barədə jurnalistlərə müsahibəsində ABŞ-ın Avropa komandanlığının nümayəndəsi, general Ben Hodces deyib.

Onun sözlərinə görə, Azərbaycan və ABŞ-ın qarşılıqlı əməkdaşlığı üçün bir çox sahələr mövcuddur: "Azərbaycan və Amerika hərbçiləri Əfqanıstanda sülhməramlı missiyada birgə iştirak edirlər. Bu da Azərbaycan təhlükəsizlik və sabitlikdə maraqlı olduğunu göstərir. Gürcüstanda "Noble Partner" adlı təlimlər keçirilib. Ümidvaram ki, gələn il keçiriləcək təlimlərdə Azərbaycan hərbçiləri də iştirak edəcəklər". 

B.Hodces deyib ki, bu, onun Azərbaycana ilk səfəridir. Səfər Azərbaycanla ABŞ arasında hərbi əməkdaşlığın davam etdirilməsi və inkişafı məqsədini daşıyır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi