ABŞ Azərbaycanı təbrik etdi

ABŞ Azərbaycanı 26 iyun - Silahlı Qüvvələr Günü münasibətilə təbrik edib.

"Report" xəbər verir ki, təbrik mətni bu ölkənin Bakıdakı səfirliyinin rəsmi "Facebook" səhifəsində yayılıb.

“Bu gün biz Azərbaycanın Silahlı Qüvvələr Gününü qeyd etməkdə sizə qoşuluruq. Amerikalı və azərbaycanlı hərbçilər illər boyu istər Əfqanıstanın gələcəyi naminə, istərsə də NATO təlimlərində birgə çiyin-çiyinə çalışıblar. Biz birlikdə bir çox terrorizm və narkotik alverinə qarşı mübarizə aparmışıq, regionda və dünyada sülh naminə çox çalışmışıq”, - təbrikdə qeyd olunub.